Sakina chalo karbala

Tha Qabre Sakina Pe Abid ka noha
Sakina Chalo Karbala ko chalen
Utho ke rehayie ka paigaa'm aaya 
Sakina chalo Karbala ko chalen....

*THA QABRE SAKINA PE ABID KA NOHA SAKINA CHALO KARBALA KO CHALEN*

Bahut sehliye dhukh bahut ghum uthaeye
Huwe kaan zakhmi tamache bhi khaeye
Ghamoñ se masaib se tooti huwi ho
Tumhare qarein ab koi gham na aaye
Bulata hai Sahil hame alqama ka....
*Sakina chalo karbala ko chalen...!*

*THA QABRE SAKINA PE ABID KA NOHA SAKINA CHALO KARBALA KO CHALEN*

Aey jaane baradar pidar ki dulari
Ye dekho mili baliyan bhi tumhari
Nahi chalna paidal tumhe ab sakiña 
Hai maujood zindañ ke baher sawari
Ye zindaañ chohdo meri jaa'n khudara..
*Sakina chalo karbala ko chalen...!*

*THA QABRE SAKINA PE ABID KA NOHA SAKINA CHALO KARBALA KO CHALEN*

Tadapti thi baba ke yadoo'n mein her dam
Har ik lamha ammu ka karti rahi ghum 
Chalo milne ammu se baba se bibi
Karo chalke girya o noha o matam
Wahañ per hai Asghar bhi dekho tumhara...
*Sakina chalo karbala ko chalen...!*

*THA QABRE SAKINA PE ABID KA NOHA SAKINA CHALO KARBALA KO CHALEN*

Andhera ye ab na satayega tumko
Na shimre layein ab dara'ega tumko
Na hogi rasan ab gale mein tumhare 
Na naqe se koi girayega tumko
Na rone pe koi lagayega pehra..
*Sakina chalo karbala ko chalen...!*

*THA QABRE SAKINA PE ABID KA NOHA SAKINA CHALO KARBALA KO CHALEN*

Chalo karbala se Madine chalenge
Wahan jake Sughra se hum sab milenge
Na ab khouf or darr na kaante safar mein
Ghume shah me khul ke hum roo sakeinge
Gaya Qaid ki saqhtiyon ka zamana..
*Sakina chalo karbala ko chalen...!*

*THA QABRE SAKINA PE ABID KA NOHA SAKINA CHALO KARBALA KO CHALEN*

Tumhe to pata hai meri pyari behna
Tumhe dhundta hoga Asghar tumhara
Tumhari tarha wo bhi ab tak hai pyasa
Usse apne haton se paani pilana
Tumhe dekhkar khush bahut hoga bhaiyya
*Sakina chalo karbala ko chalen...!*

*THA QABRE SAKINA PE ABID KA NOHA SAKIÑA CHALO KARBALA KO CHALEÑ*

Jo armaan tera tha pura huwa hai 
Yeh dekho ke zindañ ka dar khul gaya hai 
Chalo chalke batlayen ammu ko apne 
Sitam tumne rahon mein jo bhi saha hai
Batayenge baba ko ehwaal sara
*Sakina chalo karbala  ko chalen...!*

*THA QABRE SAKINA PE ABID KA NOHA Sakina CHALO KARBALA KO CHALEN*

Sakina magar ayse zindaan mein soyi
Phuphi ne pukara ya Maa ne sada di 
Tha waqte rihaiye haram ro rahe thai
Magar Arsalan Azmi wo na utthi
Tha abid ke honton pe bas ye hi jumla..
*Sakina chalo  karbala  ko  chalen...!*

*Tha qabre sakina pe abid ka noha*
*Sakina chalo karbala ko chalen